نماز
نماز کو عربی زبان میں صلوٰة کہتے ہیں نماز دین کا ستون ہے نماز حقوق اللّه کا مغز ہے قرآن پاک میں 750 دفعہ نماز کا ذکر آیا ہے اسلام میں ہر مسلمان عاقل اور بالغ پر دن میں پانچ بار نماز فرض کی گئی ہے اسلام میں نماز تمام عبادات کی اصل ہے
نبی کریمﷺ نے فرمایا
دین کی اصل بنیاد اللّه اور اس کے رسول ﷺ کے سامنے سرِ تسلیم خم کرنا ہے اور اس عمارت کا ستون نماز ہے
پانچ نمازوں کی مثال نہر کے جیسی ہے جس کا پانی گہرا اور صاف ہوتا ہے جو گھر کے سامنے سے گزرتی ہو اور تم اس میں روز غسل کرتے ہو جس طرح غسل سے ساری میل صاف ہو جاتی ہے اسی طرح نماز گناہوں کو دھو دیتی ہے
قرآن پاک میں اللّه تعالیٰ نے ارشاد فرمایا ترجمہ *نماز قائم کرو اور مت ہو شرک کرنے والوں میں *(سورت الروم :31)
قرآن پاک میں ذکر ہے کہ نماز پڑھنے والے فلاح پائیں گے اور اسے چھوڑنے والے ذلت اور خواری اور مشکل کا شکار ہوں گے
حضور اکرم ﷺ نے ارشاد فرمایا
جس نے جان بوجھ کر نماز چھوڑی اس نے کافرانہ روش اختیار کی
دل اور زبان سے اللّه تعالیٰ کو ایک مان لینے کے بعد اس کے سب سے اہم حکم نماز کی ادائیگی نہ کرنا اللّه تعالیٰ کو معبود ماننے سے انکار کرنے کے برابر ہے آخرت میں سب سے زیادہ وہی لوگ جہنم میں جائیں گے جو نماز ادا نہیں کرتے ہوں گے مرنے کے بعد قبر میں سب سے پہلے نماز کے بارے میں پوچھا جاۓ گا
نماز قربِ الٰہی کا سب سے موثر ذر یعہ ہے
حضور اکرم ﷺ نے فرمایا
جب تم میں سے کوئی نماز پڑھتا ہے تو وہ گویا اپنے رب سے بات کرتا ہے
نماز بے حیائی سے روکتی ہے نماز پڑھنے سے ہم اپنے رب کے قریب ہو جاتے ہیں نماز پڑھنے سے گھر میں برکت رہتی ہے نماز آنکھوں کی ٹھنڈک ہے اللّه تعالیٰ نماز پڑھنے والوں کے گناہ معاف فرما دیتا ہے نماز پریشانیوں اور بیماریوں سے نجات کا ذریعہ ہے
نماز مومن کی معراج ہے نماز پڑھنے سے اللّه تعالیٰ خوش ہوتا ہے نماز پڑھنے سے گناہ ایسے دھول جاتے ہیں جیسے پانی سے میل دھول جاتا ہے نماز اخوت و محبت ایثار اور ہمدردی جیسے جذبات پیدہ کرتی ہے
حضور اکرم ﷺ نے فرمایا با جماعت نماز ادا کرنا اکیلے نماز ادا کرنے سے ستائیس درجے افضل ہے نماز انسان کو وقت کی پابندی سكهاتی ہے نماز مومن اور کافر میں فرق کرتی ہے
حضوراکرم ﷺ نے ارشاد فرمایا جو شخص عشاء کی نماز با جماعت ادا کرتا ہے اس شخص کو آدھی رات کے قیام کا ثواب ملتا ہے اور جو شخص فجر کی نماز با جماعت ادا کرتا ہے اسے باقی آدھی رات کے قیام کا ثواب ملتا ہے
نماز ایک امانت ہے گویا اس کو وقت پر ادا کرنا چاہیے وقت پر نماز پڑھنے سے انسان دن میں پانچ بار جب اپنے رب کے آگے حاضر ہوتا ہےاس کے دل میں یہ احساس تازہ رہتا ہے کہ وہ اللّه کا بندہ ہے اور اسی کے اگے سر جھکا رہا ہے مسجد اللّه تعالیٰ کا گھر ہوتا ہے اسی وجہ سے مسجد میں نماز ادا کرنے پر زیادہ اجرو ثواب ملتا ہے
نماز کے لیے وضو کرنا شرط ہے وضوکے بغیر نماز نہیں ہوتی اور جب ایک مسلمان وضو کرتا ہے ہاتھ دھوتا ہے دانت صاف کرتا ہے ناک میں پانی چڑ ہاتا ہے پھر منہ دھوتا ہے سر کا مسح کرتاہے اور پاؤں دھوتا ہے تو اسے ظاہری طور پر طہارت اور پاکیز گی ملتی ہے
حضور اکرم ﷺ نے ارشاد فرمایا پانچ نمازیں گناہوں کو اس طرح دھوتی ہیں جس طرح پانی میل کو دھوتا ہے
جب ایک مسلمان نماز کے لیے کھڑا ہوتا ہے تو سب سے پہلے تکبیر تحریم کہتے ہوۓ نماز شروع کرتا ہے اس کے بعد قیام ؛ قراءت؛ رکوع؛ سجدہ قعدہ و جلسہ اور پھر آخر میں سلام سب کوچھ ایک ترتیب کے ساتھ کرتا ہے اركان نماز کی یہ ترتیب ایک انسان کو نظم و ضبط کا درس دیتی ہے
باجماعت نماز ادا کرنے سے انسان کو جسمانی اور روحانی فوائد حاصل ہوتے ہیں جب ایک مسلمان آذان کی آواز سنتے ہی مسجد کی طرف چلتا ہے تو اس کے ہر ایک قدم پر اللّه تعالیٰ بے شمار نیکیاں لکھتا ہے اور ساتھ ہی اس کی ورزش بھی ہوتی ہے جو اس کو جسمانی طور پر تندرست بناتی ہے دیکھنے والوں کے دل میں بھی نماز پڑھنے کا شوق پیدہ ہوتا ہے
آج کے اس جدید دور میں ہماری نمازیں ایسے ہیں جیسے خوشبو کے بغیر پھول ہوتا ہے یا جیسے روح کے بغیر ایک جسم ہوتا ہے ہمیں چاہیےکہ سارے کام چھوڑ کر وقت پر نماز ادا کریں دنیا کےسارے کام دنیا میں ہی رہ جانے ہیں ہمیں اپنی آگے کی زندگی یعنی آخرت کی تیاری کرنی چاہیے جس کے لیے ہمیں اس دنیا میں بھیجا گیا ہے
بچوں کو بھی نماز پڑھاے اور خود بھی پڑھے اپنے رب کو راضی کریں نماز پڑھیں اور جب نماز کے لیے بلايا جاۓ یعنی جب آذان ہو تو سارے کام چھوڑ کر خاموشی سے آذان سنیں اور اس کا جواب دیں اور پھر اپنے رب کے آگے سر جھکائیں نماز پڑھیں اپنے رب سے دعا کریں کہ وه ہمیں بخش دے ہمارے اندر نماز پڑھنے کا شوق پیدہ کرے ہمیں نیک بنائے آمین
Rozaروزہ کب فرض ہوا/روزہ/روزے کو عربی میں کیا کہتے ہیں